Բոլնիսյան տպավորություններ

Մեծ հաճույքով կցանկանայի ձեզ հետ կիսվել իմ Բոլնիսյան տպավորություններով:
Չնայած հանրապետությունում ստեղծված իրավիճակին, մենք կարողացանք լավ
ժամանակ անց կացնել: Մեզ դիմավորեցին սովորողների մի մեծ խումբ, ուսուցիչների հետ:
Իհարկե միանգամից ընկերցա նրանց հետ: Խոսում էինք ռուսերեն և անգլերեն, բայց նրանց
խոսակցությունների մեծ մասը հասկանում էի: Մեր շփումն այդքան էլ դժվար չէր, քանի որ
Բոլնիսցի Ալեքսանդրը հեյերեն էր խոսում: Կարճ ժամանակում հասցրինք ընդհանուր
հետաքրքրություններ գտնել և անգամ ֆուտբոլ խաղացինք: Ամբողջ ճամփորդության
ընթացքում սովորողների խումբը միշտ մեզ հետ էր: Միասին լավ ժամանակ էինք անց կացնում:
Իսկ համերգի օրն արդեն ցանոթացա ավելի շատ մարդկանց հետ: Անգամ երաժիշտ ընկերներ
գտա և շատ կցանկանայի նրանց հետ համագործակցել արդեն կրթահամալիրում: Համերգից
հետո վիկտորինա էր և մեր խումբը զբաղեցրեց երկրորդ տեղը: Վերադարձանք հաճելի
նվերներով: Մեր ուրախ խմբով գնացինք նաև Ղազարոս Աղայանի տուն-թանգարան,
Թիֆլիս և մի լավ զբոսնեցինք: Իհարկե չէինք մոռանում միասնական, հայ-վրացական
երգ ու պարի մասին: Չեմ կարող չասել, որ Բոլնիսը ակտիվ գյուղ է: Բոլորը մեծ հաճույքով
և ոգևորությամբ էին մասնակցում: Անհամբեր սպասում եմ մեր նոր հանդիպմանը:


   

   

Թբիլիսիի 98 դպրոցում վրաց բանաստեղծ Գալակտիոն Տաբիձեին նվիրված համատեղ դաս



Մարտի 28 ին Թբիլիսիի 98 դպրոցում տեղի ունեցավ երեկո՝ նվիրված վրաց բանաստեղծ Գալակտիոն Տաբիձեին: Դասին ներկա էր Հայաստանում Վրաստանի դեսպան Գիորգի Սագանելիձեի տիկինը՝ Եկատերինա Բաքրաձեն: Վրացերենի խմբի սովորողներս կարդացինք հատված բանաստեղծի գործերից: Ծանոթացանք նրա կյանքին և գործունեությանը: Գ. Տաբիձեն ծնվել է 1891 թ-ի նոյեմբերի 6-ին Քութայիսի նահանգի Չկվիշի գյուղում գյուղական ուսուցչի, ինչպես նաև քահանայի ընտանիքում: 1908թ. — սովորել է Թբիլիսիի հոգևոր ճեմարանում: Նա XX դարի վրացի առաջատար բանաստեղծներից է, ով հսկայական ազդեցություն է թողել հետագա սերունդների վրա: Վերապրել է ստալինյան բռնատիրությսն տսրիները: 1930-ականներին Տաբիձեն հայտնվել է սովետական իշխանությունների ճնշման տակ, որը հասցրել է նրան ընկճախտի և հարբեցողության: Արդյունքում նրան տեղափոխում են հոգեբուժարան, որտեղ 1959թ-ին ինքնասպանություն է գործում` ցած նետվելով երրորդ հարկի պատուհանից: Թաղված է Մտածմինդայի պանթեոնում : Գալակտիոն Տաբիձեի ստեղծագործությունները թարգմանվել են ռուսերեն: Գալակտիոն Տաբիձեի ամենահայտնի բանաստեղծություններն են «Աշխարհը բաղկացած է սարերից» և «Փչում է քամին»:

Թումանյանի Թբիլիսյան վերնատնից

1909 թվականին Թումանյանի ընտանիքը Լադո Ասաթիանի փողոցից տեղափոխվում է Ամաղլեբա փողոցի թիվ 18 տան երրորդ հարկի բնակարան, որտեղ մինչև մահ ապրում է Մեծ Բանաստեղծը իր ընտանիքի հետ: Չնայած այս տանն այլևս չէր գործում «Վերնատունը», բայց մտավորականները շարունակում են համախմբվել Թումանյանի մոտ: Վրաստանի խորհրդայնացումից հետո Հովհաննես Թումանյանի ընտանիքը Վրաստանի Ռևկոմի կողմից մանդատ է ձեռք բերում առ այն, որ իրենց տունը ենթակա չէ բռնագրավման, և որևէ մեկի բնակեցումն այստեղ անթույլատրելի է: Բայց չնայած սրան, նախորդ դարի 30-ական թվականներից սկսած, բնակարանի բռնագրավման տագնապը շարունակում է մեծանալ: 1932 թվականին տան մի հատվածում նոր բնակիչներ են բնակեցվում: Ընտանիքի մտահոգված անդամները դիմում են Վրաստանի և Հայաստանի համապատասխան մարմիններին, և Ավետիք Իսահակյանի միջնորդությամբ հնարավոր է լինում պահպանել տունը:Մինչև վերջին ժամանակները տունը լքված էր, չէր ծառայում իր նպատակին և անընդհատ վտանգ կար, որ այն կվաճառվի: Բայց, ի ուրախություն ողջ հայության, այս օրերին Թումանյանի Թբիլիսյան տունը վերանորոգվում  և վերակառուցվում է: Քանի որ այնտեղ վերանորոգման աշխատանքներ էին, մեր խմբին թույլ չտվեցին ներս մտնել, միայն  դասավանդողներին և մի քանի սովորողի, այն էլ չլուսանկարելու պայմանով:
Լսեք ռադիոնյութը Թումանյանի մշակութային կենտրոնի ղեկավար Գիսանե Հովսեփյանի հետ:


Լուսանկարներում Թումանյանի տան շքամուտքն է, մարմարե աստճանները, երկու պատշգամները և պատշգամբից երևացող տեսարանները: