Ադոլֆ Հիտլերը որպես նկարիչ՝ չճանաչված հանճար, թե՞ միջակ

Երրորդ Ռեյխի տոտալիտար բռնապետության ապագա հիմնադիրը դպրոցում շատ
վատ էր սովորում: Թերևս միակ բանը, որը երիտասարդ Ադոլֆի մոտ հիանալի էր
ստացվում՝ կերպարվեստն էր: Նա երազում էր նկարիչ դառնալ, մինչդեռ հայրը ՝
Ալոիս Հիտլերը, ցանկանում էր, որ իր որդին անցնի պետական ծառայության:
Այս պատճառով նրանց միջև բուռն վեճեր էին ծագում: Ադոլֆը համառորեն պնդում էր,
որ իրեն միայն արվեստն է հետաքրքրում:


1907-ին, երբ արդեն մահացել էր ավագ Հիտլերը, Ադոլֆը փորձեց ընդունվել Վիեննայի
Արվեստի ակադեմիա: Նա շատ բարձր կարծիք ուներ իր տաղանդի մասին և անհրաժեշտ
չէր համարում նախապատրաստվել ընդունելության քննություններին:
Արդյունքում ՝ ձախողվեց: Այնուամենայնիվ, չցանկանալով հուսահատեցնել մահամերձ
մայրիկին, երիտասարդը նրան ասաց, որ իր աշխատանքերը գրավել են ընդունելության
հանձնաժողովը: Օրեր շարունակ կեղծ ուսանողը թափառում էր Վիեննայի փողոցներով,
նայելով քաղաքի ճարտարապետությանը, և ուրվագծեր անում:




Մեկ տարի անց Ադոլֆը կրկին որոշեց փորձել իր բախտը, և այս անգամ որոշակիորեն
պատրաստվել էր քննություններին: Բայց արդյունքը նույնն էր: Հանձնաժողովի
անդամները հազիվ նայեցին նորաստեղծ նկարչի աշխատանքներին: Հիտլերը
արագորեն սկսեց ընկնել ներքև, նա ավելի հաճախ էր հայտնվում գիշերակացներում և
պանդոկներում՝ կեղտոտ թափառաշրջիկների շրջապատում: Նկարների վաճառքից
ստացված գումարները հազիվ թե բավար էին ապրուստի համար:






Հայտնի չէ, թե ինչպես կդասավորվեր Հիտլերի կյանքը, եթե նա չհանդիպեր ոմն
Ռայնհոլդ Գանիշին, որի հետ նրանք համատեղ բիզնես սկսեցին: Գանիշը բավականին
հաջողությամբ զբոսաշրջիկներին Վիեննայի լանդշաֆտներով և տեսարաններով
բացիկներ էր վաճառում, որոնք նկարում էր ինքնուս նկարիչ: Նրանք այնքան լավ էին
վաստակում, որ դատարանը Հիտլերին ճանաչեց որպես ապահովված տղամարդ, իսկ
ընտանիքի միակ կերակրողի կորստի համար տրվող կենսաթոշակը փոխանցվեց իր
կրտսեր քրոջը ՝ Պաուլային:




1913 թվականին Հիտլերը տեղափոխվեց Մյունխեն, որտեղ ամբողջովին վերածվեց
հաջողակ վարպետի: Նրա գործերն առավել բազմազան դարձան: Գերմանացիները
հաճույքով գնում էին ոչ միայն լանդշաֆտների նկարներ, այլև հանգստացնող
նատյուրմորտներ:






Մյունխենի ժամանակաշրջանն ավարտվեց այն ժամանակ, երբ երիտասարդին 25
տարեկան հասակում կանչեցին Առաջին աշխարհամարտի ճակատ: Նա իր հետ ներկեր
էր վերցրել, և ազատ ժամանակ զբաղվում էր նկարչությամբ: Խրամատներում նկարված
նկարները կտրուկ հակադրվում են նրա նախկին աշխատանքներին: Ջրարաներկով
արված նկարներում գերակշռում են ռմբակոծությունից ավերված շենքեր և ռազմական
տեխնիկա:




Ստեղծագործության առաջին տարիներին ապագա բռնապետը նկարել է մի քանի
ինքնադիմանկարներ: Թերևս դրանցից ամենահետաքրքիրը թվագրվել է 1910 թ.:
Հիտլերը իրեն պատկերել էր առանց աչքերի, քթի և ականջի, սակայն մազերի բնորոշ
սանրվածքը և շագանակագույն կոստյումով երիտասարդի վերևում նշված
նախանշանները արվեստի պատմաբաններին թույլ տվեցին հատկանշել նկարը:




Ադոլֆ Հիտլերի վրցնին են պատկանում ավելի քան երեք հազար նկար և էսքիզներ,
որոնց մեծ մասը նկարվել է ճակատում: Ամենաթանկարժեք գործը աճուրդով վաճառվել է
տաս ու կես հազար ֆունտ ստեռլինգով: Այն ձեռք է բերվել անհայտ ռուսի կողմից:
Ֆյուրերի չորս կտավները պատկանում են ԱՄՆ-ի բանակին և պահվում են Ռազմական
պատմության կենտրոնի գաղտնի ստորգետնյա պահեստում: Այս նկարների
հասանելիությունը բաց է միայն մի քանի մասնագետների համար, և, ըստ ամերիկացիների
հայտարարության, նկարները երբեք չեն ներկայացվի հանրությանը:

Ըստ շատ քննադատների ՝ Հիտլերի գեղատեսիլ տաղանդը համեստ էր: Սա բացատրվում է
դիմանկարների փոքր քանակով: Այնուամենայնիվ, երբ ժամանակակից արվեստաբանին
առաջարկեցին զննել որոշ նկարներ, առանց ասելու, թե ում են պատկանում այդ
աշխատանքներ, նա գնահատեց դրանք՝ «բավականին լավ»:

Հաշվետվություն


Արդեն 11-րդ տարին է սովորում եմ «Մխիթար Սեբաստացի» կրթահամալիրում: Ամեն տարի ներկայացնում եմ հաշվետվություն իմ գործունեության մասին: Այս տարին նույնես բացառություն չէ: Անհատական ուսումնական պլանս կազմելիս ավելացրել եմ խորացված Անգլերեն, Հայոց լեզվի քերականություն և Ֆրանսերեն դասերը: Ուսումնական առաջին շրջանում շատ եմ բացակայել(65 ժամ) և կարծում եմ, որ առաջադիմությունս այդքան էլ բարձր չէր: Բացակայած ժամերիս թիվը փաստում է, որ ժամանակս ռացիոնալ չեմ օգտագործել: Հիմա կազմել եմ հստակ ժամացուցակ ինձ համար: Նոր ուսումնական շրջանում փորձելու եմ ամեն բան շտկել:
2019/20 ուստարին ինձ համար առանձնանում է «Խաղարկային դատարան»-ով: Ցանկություն հայտնեցի վերսկսել դատարանի գործունեությունն ու ներկայացնել իմ հայցը: Հիմա շարունակում ենք մեր աշխատանքներն ու քննարկումները: Վարում եմ «Խաղարկային դատարան»-ի բլոգն ու ֆեյսբուքյան էջը: Ինձ համար, որպես ապագա իրավաբան, սա մեծ փորձ է: Այս կարճ ժամանակվա ընթացքում ձեռք եմ բերել բազմաթիվ մասնագիտական գիտելիքներ և հմտություններ: Ստորև ներկայացնում եմ բլոգիս էջերը:

Անկախության տոնը Գյումրիում


Ջերմ ժպիտների քաղաքն իր հյուրընկալ դռներն էր բացել հազարավոր զբոսաշրջիկների առաջ։ Սեպտեմբերի 21-ը Գյումրիում սովորականից ավելի տպավորիչ էր։ Չնայած անբարենպաստ եղանակին, բոլորը թափառում էին հայրաքաղաքի գեղեցիկ փողոցներում։ Ամեն խաչմերուկում մի յուրահատուկ տրամադրություն էր։ Աննկարագրելի մթնոլորտ էր քաղաքում։ Յուրաքանչյուրն իրեն հոգեհարազատ երաժշտությունն էր վայելում։ Մենք էլ վազվզում էինք փողոցներով և փորձում գտնել մեր սիրած խմբերի բեմահարթակները: Մեծ բավականություն ստացանք տպավորիչ համերգային ծրագրից, իսկ երեկոյան տաք թեյն օրվան հաճելի ավարտ տվեց:





Քաղաքագիտություն


Քաղաքագիտությունը, որպես Հասարակագիտության բաղկացուցիչ մաս, ուսումնասիրում է մարդու և հասարակության կապը պետական և ոչ պետական կառույցների, պետության և այլ կառույցների հետ, ուսումնասիրում է նաև պետության վարած քաղաքականությունը և դրա նպատակահարմարությունը առանձին ոլորտներում, տալով համապատասխան գիտելիքներ հասարակության քաղաքական և իրավական կյանքի մասին:

«Քաղաքագիտություն» դասընթացի դասավանդման խնդիրները
  • Սովորողներին հասանելի դարձնել քաղաքագիտության ծագման ու զարգացման պատմությունը:
  • Սովորողների մոտ զարգացնել վերլուծական և տրամաբանական մտածողություն:
  • Ազատ, ակտիվ քաղաքացու մտածելակերպի դաստիարակություն:
  • Ծանոթացնել քաղաքագիտական հիմնական և գլխավոր տեսություններին, քաղաքականության և տնտեսության փոխհարաբերություններին:
  • Գիտելիքներ տալ հասարակության տարբեր սոցիալական խմբերի շահերի մասին:
  • Զարգացնել ունակություններ և հմտություններ հասարակության քաղաքական կյանքին ակտիվ մասնակցելու, սեփական ու հանրային շահը գիտակցելու ու տարբերակելու համար:
  • Զարգացնելու վերլուծողական ճկուն մտածելակերպ քաղաքական բարդ իրավիճակներում կողմնորոշվելու համար:
  • Դաստիարակել հանդուրժողականություն և փոխադարձ հարգանք ազգային, կրոնական և հասարակական այլ դրսևորումների նկատմամբ: